عطر له ظل ,, الجزء التاسع .. رواية بقلم ,,الدون ,, دى ساد الشرق علاء الدين

عطر له ظل ,, الجزء التاسع .. رواية بقلم ,,الدون ,, دى ساد الشرق علاء الدين

أغلقت سحر المكالمه وهى تشعر بشعور اللبوه وبفخرها عندما تحمى عرينها وعرين مالكها .. ها هى قد أتمت وضع أسوارها بنجاح لتمنع ملك وعلاء من الاقتراب من بعضهما ليخلى لها طريق وردى ممهد للاقتراب  من علاء ..

ولكن ماذا يحمل غدا من الأحداث .. أسيظل طريقها ممهد مفروش بالورود أم أن القدر سيصنع ما لم يكن فى حسبانها .

فى تلك الحظات كانت ملك جالسه فى غرفتها تعبث بهاتفها  محاولة منها للهروب من تفكير لا يفارق عقلها . كم صراعات بداخلها حالة لا يرثى لها فكلمات سحر عن علاء كانت بمثابة صدمة لها فتلك الصدمه أصابت عقلها بزلزال .. هل يعقل أنها خدعت فى ذلك الشخص وهل يعقل أنه يجيد التلون بتلك الحرفيه .. تساؤلات كثيره ترافقها صراعات داخليه أكثر ..

فوجئت ملك بأشعار ينبهها أن هناك رد على رسالتها التى أرسلتها لصاحب بيدج حدوته ساديه .. فعلى الفور فرحت ولم تتردد فى الرد على رسالته عسى أن يكون أون لاين الأن وتستطيع الحديث معه .

حدوته ساديه : أهلا بكى وسعدت جدا برسالتك وسعدت أكثر بكلماتك الرقيقه  .. أعلن لكى ترحيبى الكامل بمناقشتك وتساؤلاتك .

ملك:مساء الخير .. عاوزه أقول لحضرتك على حاجه فى بداية كلامى بالفعل أنا مش مصدقه نفسى أنى بكلم حضرتك قريت لك كتير وكنت دايما بقول معقول فى شخص حروفه بتلمس الناس وكأنه بيحكى عنهم

لأن بجد فى بعض التفاصيل فى القصص بحس أنها أنا وأكيد غيرى بيلمس فى سطور تانيه حاجات بتمسه وبتفكره بحاجات جواه

بس اسمح لى أنا ليا سؤال مهم جدا بالنسبه لى .. هو اللى بنقراه فى القصص دى بيحصل فعلا وموجود على أرض الواقع ولا مجرد خيال ؟!!

حدوته ساديه : جميل جدا يا ملك بداية الحديث بنا بالتلقائيه دى اللى لامسها فى طريقة كلامك . ده اسلوب بيريحنى جدا وبيخلينى أقدر أكلم اللى معايا بنفس اسلوبه اللى فى نفس الوقت بيناسبنى لانى عاشق للتلقائيه .

ملك : يمكن حضرتك مش دايما بقدر أكلم الناس كلها بتلقائيه بس أنا بشوف أن التلقائيه مش متعمداها مع حضرتك والله لقيتها طالعه لواحدها ومش عارفه السبب  بجد.

 حدوته ساديه : فعلا يا ملك فى أمور أحيانا بتطلع من جوانا بدون أى تحضير أو حتى مبرر ملموس لنا . لكن عموما ده أمر يسعدنى .

ملك : والله انا اللى طايره من السعاده لأنى مش بيحصل كتير أنى احس براحه وأنا بكلم شخص . أنا حابه أسمع أستاذ زى حضرتك وأستفاد من تجاربه وخبرته فى اجاباته على أسألتى ده طبعا لو مش هيضايق حضرتك .

حدوته ساديه : أكيد مش هيضايقنى ومرحب بده جدا .. بصى يا ملك بالنسبه لسؤالك ده بواقعية القصص من عدمها أتوجه لى أكتر من مره  ..

عموما معظمنا بيتابع مسلسلات أو أفلام  ومش هننكر أن فى بعض الأحيان ومن الضروره أن بتمزج فى القصص جزء ولو بسيط من الخيال اللى بيعتبر بمثابة توابل فاتحه لشهية المتابع .. لكن برده فى نفس الوقت أحيانا واحنا بنتابع بنبكى وأحيانا بنبتسم وأحيانا بنسرح وأحيانا بنتكسف وبنصاب بحالة ذهول واحنا بنتفرج على أى عمل درامى لأن بنقول جوا نفسنا معقول اللى كاتب الفيلم أو المسلسل ده بيتكلم على حاجات جوايا وكأنه يعرفنى ومن المنطق أن ما دام وصلنا الأحساس ده يبقا اللى بيكتب هو شخص لامس الواقع بتفاصيله وبيجسده فى قصه بيكتبها دى أول نقطه تخلينا نطمن أن المؤلف  شخص بيسرد تجارب ونماذج من الحياه لكن برؤيته الخاصه بثقافته وفكره وهدفه فى توصيل فكر معين  والحاجه التانيه الخاصه بقصص ميولنا أن اللى مكتوب فيها لو تأملنا فيه بعنايه وبصدق مع النفس هنكتشف أنها أمور بتحصل بالفعل ومش شرط فى الميول لكن فى بعض الأمور منها بتحصل بداخل بيوت كتير وبأشكال مختلفه وكمان وارد يكون اللى بيعملوها مش واعيين لمسماها أنها خضوع أو سيطره .. ماسوشيه أو ساديه

ديرتى أو بيبى جيرل ,, صدقينى فى ناس قبلنا بألاف السنين عاشت نفس اللحظات والطقوس اللى بنعملها فى ميولنا وماتزال ما يعرفوا مسماها ايه أو ليه بتتعمل بس الأهم أن فى عائد باحاسيس ايجابيه وجميله بيحسوها فعلشان كده أهمية ده بالنسبه لهم فاقت أهمية المسمى

فأطمنى يا ملك هو واقع وكان وسيبقى مهما اختلفت الأشخاص .

ملك : على فكره حسيت كلامك واجابتك أوى لان فعلا ده بيحصل  ..

طب الماستر والسليف دول بشر زينا ,, سؤالى عاوزه أعرف بيقابلوا وبيعرفوا بعض ازاى فى زحمة الحياه دى وزحمة الأقنعه والثقه دى بتيجى منين انها تسلم كل ما فيها لشخص وهى فى منتهى الأمان والثقه أنه هيتعامل باللى يناسبها كتركيبه وبيتأكدوا ازاى أن لهم ميول وأنهم مش متوهمين ده .. أعذرنى أسئله كتير جوايا ومحيرانى وكل يوم بتزيد جوايا الأسئله والحيره خصوصا من تواجدنا فى عالم الميول هنا على الفيس بنشوف العجب وحاجات بتخوفنا أكتر من الحاجات اللى بتطمنا وأكيد حضرتك عارفها وبتشوفها فى بعض الأحيان .. فضايح وأقنعه وخداع واستغلال وعيره وكل ماستر أو سليف بيشوهوا فى غيرهم وما بقتش فاهمه أى حاجه ,, كل اللى فاهماه وبحسه أن كل يوم بعيشه هنا بيزيد قلقى وخوفى وفى نفس الوقت مش قادره أبعد .

حدوته ساديه : بصى أنا مرحب بأسألتك واكيد حاسس بيكى جدا بس دي مجموعة أسئله متشابكه وهتختلط الاجابات وهتوهى منى فكل اللى طالبه نسأل كل سؤال بشكل منفرد علشان نقدر تركز ونوصل لاجابته بشكل أوضح.

ملك : انا أسفه لحضرتك جدا بس أن من حيرتى بسأل كتير علشان نفسى أرتاح وأكون مطمنه ومقتنعه بتواجدى هنا فى عالم الميول,, وهوعدك هسأل واحده واحده .

حدوته ساديه : عارفه يا ملك فى كل تساؤلاتك فى جمله وقفت عندها ولفتت نظرى ودايما بيكون ليا وقفه عندها .. وهى اختزال واختصار عالم الميول فى الفيس أو فى كام جروب ربما يكون معظم رواده غير منتمين للميول للاسف مواقع التواصل عالم بدون بوابه تأمنه بمعنى أى شخص يدخل فى أى تجمع ويتوهم أو يحاول يوهم الغير بأنه صاحب ميول أو ما شابه .. زى ما أنتى عارفه الموضوع بالنسبه لهم أسهل ما يكون يروح الاستاذ او الاستاذه ويكتب ماستر فلان وهى تكتب الكاجيرا فلانه ويرجعوا ينصهروا فى الجروبات لحد لما شبكة الوهم اللى نصبوها لغيرهم تسيطر عليهم هما...

وصدقينى خديها كلمه من عجوز فى الميول  .. ميولنا اللى بيلمسها على أرض الواقع بيكتشف أنها تفوق جمالا كل تخيلات من انجذب لها من خلال بوست وحروف وصور عبرت عنها باختصار اذا كان بوست أو صوره أو مقطع خلى ناس تنجذب للميول فما بالك بطقوس ممارساته وغموض جماله اللى اتحرم منه اى شخص اكتفى بمتابعته من خلف شاشه..

الحذر كل الحذر يا ملك أن تبنى ثقافتك ومعلوماتك الكامله عن الميول من خلال أراء وبوستات البعض منها لا صلة له بالميول مجرد اجتهادات

من أشخاص .. فكرونى بشخصيه ألفت كتاب عن الطبخ وهى عمرها ما دخلت مطبخ فى نفس الوقت لو طلبتى من الشخصي هدى تثبتلك عملى طريقة الطبخ تصدمك بجهلها وعدم قدرتها ,,

ملك : تعرف حضرتك أن الوصف والتشبيه موتنى من الضحك وفى نفس الوقت عجبنى جدا التشبيه لنى فعلا بحس كده احيانا وانا بتابع الجروبات

عدد قليل جدا فاهم وله ميول بالفعل  وأعداد اضعافهم مش عارفه هما موجودين هنا ليه حضرتك فعلا عندك حق ان الفيس او عموما النت أى شخص بيدخل فى أى مكان وسهل يخدع ويدعى بس حضرتك برده نقول الحق ما هو فى ناس عاوزه تقرأ وتفهم الميول وتفهم فى نفس الوقت نفسها  وانت اكيد عارف طبيعة مجتمعنا يعنى مش متاح للناس دى غير الانترنت علشان تمارس ده من خلاله وتفهم وتستوعب وتتأكد وتلمس كل جوانب الميول..

حدوته ساديه: برافو يا ملك سؤالك مهم جدا ونابع من انسانه جاده جدا فى البحث واكتشاف الميول بشكل أفضل,,

طبعا انا ما قلتش نتجاهل النت ولا الفيس ولا الجروبات.. لكن على الأقل ننتقى فكر وأشخاص تكون مقنعه لعقلنا أشخاص نحسهم ونحس حروفهم أنها نابعه من تجارب ومن غير ما تسالينى ازاى هقولك صدقينى هنحسهم  . مع انى معترف تماما أن جزء من أصحاب الميول بتكتفى بالمتابعه ومشاركاتهم قليله وبيفضلوا عدم الظهور والانصهار بين المدعيين لان للاسف المدعى الزائر احيانا بيشوه ويهاجم ويقلل من قدر اصحاب الميول علشان كده بياخدوا جنب تحسبا للدخول فى مهاترات مع اصحاب العقول الضعيفه والنفوس الضعيفه لكن فى نفيس الوقت لما بيلاقوا شخص محتاج يفهم ويتناقش بيقربوا منه وبيحتضنوه لان ده جزء من حبهم لميولهم وواجبهم ..

ملك : فهمت حضرتك .. طب حضرتك هنتكلم على الماستر والسليف الحقيقين بيعرفوا بعض ازاى؟!!

حدوته ساديه : بصى يا ملك هقولك حاجه وما تضحكيش..

أصحاب الميول الحقيقين بيشموا بعض عن بعد بيحسوا ببعض بتلاقى حروفهم متشابهه ووجهات نظرهم حتى لو فى اختلاف بسيط بس فى نقط كتير بيتقابلوا فيها وبعدين ما تنسيش أن فى فترة تعارف ومناقشات دى برده بتأكد وبتساعد فى الاكتشاف ..

ملك : طب أنا توهت بجد هو أنا مش ممكن أكون متوهمه انى صاحبة ميول زى البعض اللى حالته كده .. يعنى ازاى الناس بتتأكد وتطمن أنها صاحبة ميول بجد..

حدوته ساديه : أسألتك جميله جدا يا ملك ,,الموضوع ده كبير أوى يا ملك حتى لو جاوبتك عليه فالأجابه هتكون مختصره,,

بس قبل ما أجاوبك هقولك ميزه فى الميول سببت أذى للميول لأنها سلاح ذو حدين ,, الأحتواء مجموعة أحاسيس وكلمه كل واحد فسرها حسب احتياجاته  وما يفتقده .. يعنى مثلا ناخد نموذج بنت أو ست متزوجه

بتتصحف جروبات وبتتابع الدنيا فيها ايه ممكن تسليه أو هروب من الم نفسى وكسر للروتين فبتخفف عن نفسها بدخولها النت بصرف النظر عن ظروف تواجدها هنا ,, بس الصدفه الجميله خليتها دخلت جروب لماستر وسليف فالفضول دفعها تعرف ايه القصه تابعت بوستات ولقت صور وشوية حروف بتتكتب ,,واو,, جننتها ربما فى حياتها الشخصيه مفتقده سماعها ومش كده بس دى كمان سمعت ان فى احتواء يا خبر أبيض هى وصلت لاحتواء فطبيعى تفسر الاحتواء حس ما تفتقده فى حياتها  شافت هنا ماستر حنين وبيحتوى وبيربى وبيعدل فى سلوك وتركيبة السليف بتاعته فأكيد عقلها مش هيتحمل الفكر هدى فتنبهر وفى خلال ربع ساعه تتحول وتتوهم انها سليف  لان عقلها كهربته زادت من اللى شافته هنا وتلاقى بنت داخله زيها تلاقى بابا وبيربى وبيعاقب وبعدها بيدلع وبيحضن ده طبعا حسب فهمها وعقلها تخيلت أن الميول كده أو أختصرتها فى احتياجاتها الشخصيه  ,,

الأحتواء فى الميول باختصار شديد طرف بيقرأ تفاصيل السليف اللى ادامه بيقرأ خريطتها الجسديه والنفسيه ومن خلالها بيقدر يحدد الاساليب والتعامل المناسب لقدراتها  الاحتواء أنى أسمع اللى معايا بدون ما يتكلم حتى لما أعاقبه يتألم قبل ما أرفع كرباجى  بين كل فعل ورد فعل مليون أحساس ..

 مهمة الماستر الرئيسيه من خلال الأحتواء هو ترتيب الفوضى الداخليه للسليف حاجات جميله جواها وحاجات وحشه جواها  وحاجات جواها هى مش فاهماها ولا عارفاها هو لازم يعيد ترتيبها علشان هى هتكون فى قمة سعادتها لما تكتشف نتيجة ترتيب الفوضى دى

 كل ده عادى وبيحصل بالفعل لكن اللى عندها ميول بتسأل نفسها مجموعة أسئله مهمه علشان ترتاح,,

ملك : أيوه أرجوك لو سمحت قولى ايه هى الاسئله دى ؟!!

حدوته ساديه : هقولك كل حاجه بس هستأذنك نكمل المحادثه اللى جايه

علشان دلوقتى عندى شوية حاجات لازم أعملها ..

ملك معلش الأسئله كتير جوايا وما خدتش بالى شغلتك وخدت وقت حضرتك سامحنى .

حدوته ساديه :: لا أبدا أنا سعيد جدا بالمناقش هدى وبجد كنت اتمنى نكمل وطبعا تقدرى تكلمينى فى أى وقت وأنا لما أكون متواجد هرد عليكى ونكمل كلامنا .. عن اذنك وسعيد جدا بالحديث معاكى يا ملك .

ملك : اتفضل حضرتك والله أنا اللى فى قمة سعادتى ومتشكره جدا على اهتمامك بأسألتى ,,, باى ,,

حدوته ساديه : ,,,باى ,,,

#يتبع

سؤال الجزء التاسع مختلف شويه ..

يلا نشترك ونخمن جميعا فى التعليقات ايه هى الاسئله المهمه اللى السليف لازم تبحث عنها وتسألها لنفسها .. منتظر مشاركاتكم

مع تحياتى ,,, الدون ,,للتواصل